Op die lughawe en voel vir die eerste keer in 'n baie lang tyd vrek alleen. Verlang na mense soos ML en wonder hoe dit gaan. Nog twee ure om te sit en is nou maar besig om op die Inet rond te fiddle.
Te veel hooi op die vurk en te veel om te doen - kom nie regtig by dinge uit wat werklik ook saak maak nie, altyd 'n sucker om nog dinge by te doen maar begin dan paar spesiale dinge en mense af te skeep... glad nie lekker nie.
Miskien is daar 'n minder ingewikkelder verduideliking vir hoekom ek so voel. Dalk, net dalk, is dit die derde Bloody Mary se skuld. Nog altyd die "bad habit" gehad - voor 'n lang vlug drink ek een of twee van die goete en dan is die vliegtuig se slaap soveel dieper...... Party keer, maar net party keer, vat ek so bietjie meer as een of twee, en die vingers is ook bietjie dikker - vir die wat weet van dikker (meer) vingers! Dis hier waar ek myself begin "bluf" en sê - dis alles goed en voorkom "jetlag". Snaaks hoe mens partykeer sin van stront probeer maak.
Wel, nog 'n BM sal regtig nie sleg afgaan nie.... mis die kinders al reeds en is nog nie eers vyf ure van hulle af weg nie. Wonder nog altyd - ek dink die weg ganery raak my veel erger as wat dit vir hulle raak. Hulle is in 'n roetine en gaan maar net aan, saam met maatjies by die skool en allerhande lekker aktiwiteite - vir my, nou ja...... soos nou, op die Inet, of besig om te werk, glad nie so gaaf nie. G'n wonder mens raak sosiaal heel afgestomp nie.
Geen opmerkingen:
Een reactie posten