Durbuy

Een heel salige langnaweek. Die aanvanklike beplanning was om die langnaweek te gebruik om na Mt Blanc in Frankryk te gaan. Helaas, hierdie langnaweek is omtrent soos Paasnaweek by ons in SA. Die plekke is maande voor die tyd vol geboek en die paaie is erg dol. Na advies van paar kollegas by die werk het ek teen Mt Blanc besluit. Ons moes egter 'n sinvolle alternatief kry en het toe maar op kort kennisgewing besluit op 'n "activity packed" naweek in Durbuy. Die kinders het juis al die afgelope twee weke gekarring hulle wil weer begin kano ry. Die naweek het toe uitgedraai op kamp, stap, fietsry en kano vaart. Klomp ander dinge ook gedoen en het baie pret gehad.

Gelukkig was Chantel weereens haar betroubare self en sy het net betyds slaapplek kon reël by 'n kamp plek met die naam van Fon de Vedeur. Ons het die bus se agterste sitplekke uitgehaal, inflatable kano's, fietse, tente en nog wat alles ingepak en toe die pad gevat na Durbuy. Dis nou eintlik hoe 'n gepakte bus moet lyk! Verlang eintlik terug na die taxi's..... Pops was altyd so die dinges in as ek net kon bly inpak tot daar nie meer plek is nie. My filosofie is mos nog altyd - as daar nog plek is, kan iets ekstra saam - netnou kry ons dit dalk net nodig!

Ek dink ek het al genoem in die verlede - Durbuy word bemark as die kleinste stadjie in die wêreld. Die plek is bietjie "over commercialized" maar tog lekker, daar is miljuisende dinge te doen. Ons was nie heeltemal ingerig soos ons graag wou wees nie, maar het maar gedoen wat ons kon met wat ons gehad het. Ek sal nou maar eers weer so stuk stuk kamp goete begin koop. Lyk my dalk asof die kampery meer gereeld gaan gebeur. Al wat ons gehad het was vier opvoustoele, opvoutafel, slaapsakke en twee twee-man tentjies. Vir die eerste keer in my lewe kamp opgeslaan sonder 'n bier - ek het dit met 'n skok agter gekom toe ek klaar was en terug staan om die hande werk te bekyk. Nogal heel tragies hoor - veral in 'n land soos BE wat bekend is vir sy biere. Chantel het ook so ewe droog aan die einde van die naweek opgemerk dat ons nie een keer gebraai het die naweek nie - braaivleis en kamp is mos maar "battery en torch" in SA...... nou raai wat het ons geëet........... elke dag pasta! Een dag spaghetti bolognaise, een dag drie minuut noedels (dis reg, nie two minute noodles nie,...three minute noodles) en een dag sommer net pasta.

Die kaaskoppe se manier van kamp , met hulle "mobile homes", is nogal heel aardig en ons moet nog maar daaraan gewoond raak. Nie eintlik ons manier van dinge doen nie. Tot 'n "honeymoon couple" gewees wat in 'n motorhome "gehoneymoon" het - ek verstaan die goed se veerstelsel is erg goed!

Die Tannie wat in "charge" is van die kampplek is definitief nie 'n kampkommandant nie - sy is eerder 'n baie onlangse en nabye familielid van Hitler - sy is so bedonnerd soos kan kom en ons was almal bang vir haar. Loop so bak arms rond met 'n sigaret in die mond - een nare gesig - gelukkig het ek nie 'n foto van haar nie! Sy het paar keer op my geskel, ook in die kinders se hare gewees, maar ons laat ons darem nie so maklik onder kry nie. Ek dink meer ons was aan die einde vir haar 'n klippie in die skoen omdat ons nie deur haar ontstig is nie - ek en Chantel het die kinders mooi verduidelik dat ons haar net kan wen deur met haar baie gaaf te wees - die vrou het glad nie geweet hoe om dit te hanteer nie. Ek het dit net die tweede aand so klein bietjie verloor toe ek weer 2 Euro moes betaal vir 'n warm stort (een vir my en een vir Pieter) en daar steeds nie warm water uit die stort gekom het nie.

Die naweek was regtig "well spent" en met die rustigheid het ek en die kinders heel goeie tyd gehad om weer lekker saam te gesels. Die kinders het my erg verbaas met hullle deursettingsvermoë met al die aktiwiteite - dit was berg klim, kano ry, stap, fietsry, visvang en ons het tot een aand yahtzee gespeel net om die brein ook aan oefen te hou. Noem die naweek maar die Bester weergawe van 'n "iron man" kompetisie - wel kompetisie was dit nou regtig nie - daarvoor was ons heel te relaxed en die tyd saam met die kinders puur goud!

Die kano's was nou nie heeltemal skuit-standaard nie, maar dit is goed genoeg vir ons en vir die prys wat ek op e-Bay betaal het, doen hulle die werk uitstekend. Hier is ons besig om die kinders die fynere kunsies van "inflatable canoes" te leer.

'n Tipiese dagtrippie het min of meer so daarna uitgesien:" Eers die kanos op 'n punt gaan aflaai en weer terug gery na die kampplek, dan die fietse in die bus gelaai en gery na 'n ander punt ongeveer 10 km van daaraf. Daar het ons die bus gelos en op die fietse geklim en terug gery na waar die kano's was, die fietse daar gelos en op die kano's gevaar tot by die bus. Dan weer die kano's in die bus gelaai en alles by die kamp gaan aflaai.......... daarvandaan weer terug gestap om die fietse te gaaan haal wat heeldag onder die bome gestaan het, dan weer bietjie sightseeing gedoen met die fietse om net weer later terug te ry kamp toe om reg te maak vir die aand. Op hierdie stadium word dit eers so teen 21:30 donker en is dit glad nie snaaks gewees om tot half nege nog op die fietse te wees en daarna eers kos te begin maak by die kamp nie.

Om elke hoek en draai is daar honderde dinge om te kon doen - mens moes net die verbeelding laat gaan en die inhibisies los - dit was 'n groot tyd. Op die foto hierbo is ons besig op 'n swaai in die rivier, salig en oud word tye - die rivier se naam is die Oerthe, een van die meer bekende riviere in BE.

Ek kon nie besluit watse foto's om waar op te sit op die blog nie - ek het maar besluit om eerder net die link vir die album hier by te sit en meer in detail op die album self te beskryf.

Hier is die link vir die album. Voorwaar 'n heel genotvolle tyd.

http://picasaweb.google.co.uk/3besters/DurbuyMei08?authkey=KwsypZrJsso

Johan, Lorraine, Fré en Anri

Johan en Lorraine het kom gat skuur in Europa. Hulle was die hele plek vol en het darem tyd afgeknyp om 'n naweek hier by ons in BE te kom spandeer. Dit was maar erg moeilik om iemand in 'n stuk of 60 uur klomp dinge van BE te wys. Daar is maar altyd die gewone "been there, done that" dinge wat altyd gedoen moet word...... Dit vat egter altyd baie tyd en mens kom by min ander dinge dan uit. Later bietjie meer oor die "moet" plekke.

Een nuwe plek wat ons egter saam met die Van Dyks kon beleef was 'n dorpie met die naam Redu. Dit is naas Hay-on-Wye in UK bekend as 'n "book village" en het net-net minder "bookshops" as Hay-on Wye. Iets in die veertig of so, as ek dit nie mis het nie. Redu staan ook bekend as die "Little Book Village of Belgium".

Fré en Anri is ook heel versot op boeke en ek dog toe maar Johan en Lorraine het nou al genoeg van ou kerke en geboue gehad vir 'n wyle en iets heel anders was nodig. Ek moet egter sê, die plekkie het half teleur gestel - glad nie soos ek dit verwag het nie en ons was omtrent die enigste mense in die dorp - buiten nou die eienaars van die winkels. Miskien as ons Frans kon praat/lees sou dit ook beter gewees het want 90% van die boeke wat te koop is, was Frans.

Marché en Pieter het gelukkig ook 'n liefde vir boeke en dit is nogal spesiaal. Mens sal dit nou nie eintlik sê as mens sien hoe hulle tyd agter die rekenaar spandeer nie, ook maar meer tyd vir "strips" as ander boeke. ("Strips" = comics) Pieter ken natuurlik al Google uit sy kop uit en die meeste van sy "hoe en waarom" vrae word nou aan Google gerig. Hy't nou juis in die week weer 'n pittige ding kwyt geraak oor Google. Lorraine en Johan het vir hulle elkeen 'n Trompie en Saartjie boek saamgebring en hulle was heel in hulle noppies daaroor. Pieter en Marché begin juis nou planne te smee om dinge soos Trompie hulle te wil doen. Chantel het hulle ook Trompie se "theme song" geleer en vir 'n paar dae het ons net ge-Trompie en die Boksombende. O ja, op die foto hier bo sit die kinders op die boek monument in die dorp - snaaks, ek wonder of iemand ooit 'n monument vir die rekenaar sal maak? Ek en Johan het juis een aand tot laterig daaroor gesit en filosofeer.

Oor die "been there done that" wat elke keer gedoen moet word.......... hierdie keer was dit wonderlik om weer by Waterloo uit te kom. Dis nou die slagveld waar Napoleon sy gat gesien het. Fré, wat 'n kranige skaakspeler van Nederland is, het op 'n stadium 'n studie gedoen van die Slag van Waterloo. Die besoek het toe heel interessant uitgedraai en ek het veel meer oor die fyner nuanses rondom Bulcher en Ney bygeleer. Van wie praat ek? Ek het nie ewe skielik hier begin erg intelligent word nie - dis maar net as jy so twintigtal keer al by die Slagveld was, raak die mense wat daar oorlog gevoer het nogal huishoudelike name.

Ek haal my hoed af vir Chantel - baie geduld en baie vasbyt met die Bester huishouding. Hoewel sy seker al erg geirriteerd moet raak met al die "kyk en doen weer", hou sy dit vir haarself en byt maar vas. Een fors karakter. Ek het dit darem so hier en daar meer draaglik probeer maak - toe die span Van Dyk's by die museum ingestap het, het ek en Chhantel gaan aansit vir 'n versnapering by 'n kafee langs die pad. Nou ja tog, om 'n versnapering te kon geniet (so 'n klein bakkie "salty" biscuits of "peanuts") moes ons egter bier bestel - hier is Chantel besig om 'n gawe Kriek af te werk - wat ons nie alles sal doen net vir 'n versnapering nie!

Voor ek vergeet - oppad terug vanaf Redu (boekedorp) was ons net vinnig by Durbuy aangewees waar ons gaan roomys eet het. Durbuy is bietjie "over commercialized" maar dit bly tog 'n lekker plek - baie dinge om te doen en al die dinge is erg gefokus op families, om alles saam te doen. Ons was ook die Vrydag by Gent gewees, net om seker te maak ons het darem nog klomp ou kerke en ou geboue deur gewerk, darem ook op die kanale gevaar met die bootjies en nog meer ou geboue gesien. Ongelukkig het ek nie nou foto's hiervan nie aangesien ek nie die dag my kamera saam gehad het nie. Fré sal egter later vir my sy Picassa link stuur om al die foto's in die hande te kry.

Hier is paar ander foto's van "been there done that" wat gedoen was. Die normale wafels en room op die Grote Mark, en ook die een van Mannekin Pis. Heel toevallig dat ons op die 27ste April by Mannekin Pis was. Hy het mos 'n stuk of 300 kostuums wat elke nou en dan vir hom aangetrek word - ter weerspieëling van een of ander wêreld gebeurtenis. Die 27ste April is mos een of ander Mandela dag in Suid Afrika, daarom het die mannetjie die dag een van Mandela se outfits aangehad. Heel pittig gelyk.

Ook natuurlik die nuutste toevoeging tot die Grote Mark se besoek gedoen - foto's geneem by Jeanneke Pis en ook 'n bier gedrink by Delirium. (Dis mos die plek wat spog in die Guinness Book of Records - die twee duisend biere plekkie.) Ek en Johan het elkeen 'n Delirium Tremens gedrink en Johan vertel toe juis wat die betekenis van Delirium Tremens is - blykbaar een of ander mediese beskrywing vir alkohol ontrekkingsimptome of so iets - heel gepas - die bier se alkohol inhoud is iets soos 10,5%.....

Just for the record - die sterkste bier wat ek al hier gedrink het is 11,5%. (Ek het net een gedrink) Ek dink die bier se naam is Trappiste Rochefort. (Eendag sal ek nog verduidelik van Trappiste biere, abdy biere en gewone biere.)









Nou kyk nou net bietjie na hierdie foto! Mens kan nie genoeg by van die plekke uitkom nie, al was mens al hoeveel keer daar, sien mens tog elke keer iets nuuts raak. Hier is 'n advertensie van Kruger Pils - met 'n foto van niemand anders as ons eie President Paul Kruger nie! Kan jullle glo - daar was eens op 'n tyd tot 'n Kruger bier gewees!

Hier is die hele foto album van die Van Dyk's se besoek. (Behalwe die Gent trippie wat nog sal kom)

http://picasaweb.google.co.uk/3besters/VanDyks08?authkey=d58f11ZJ6Gs

Partytjies en dinge

Die kinders was Saterdag al weer by 'n paar partytjies gewees ook. Hulle sosiale skedule laat ook rêrig veel te wense oor - elke naweek omtrent druk besig met ten minste een of twee partytjies wat bygewoon moet word.

Jeandré, een van Pieter se maatjies het Saterdag verjaar. Hier is een of twee foto's van die partytjie. Jeandré is ook SA'ner. Willie en Lizelle Oelofse se jonge heer. Ek het al paar keer van Willie hulle gepraat. 'n Span wat ook uit Pietersburg kom, die wêreld is regtig maar eintlik baie klein. Wie sou nou drie of vier jaar terug gedink het ons (Ek en Willie-hulle) sou saam-saam hier in BE wees? Alle geval - hier is die kinders besig om te "dress" vir die groot bos staptog.

Steven Drotské besig om die kinders mooi te verduidelik van spanne, oorlog, kodewoorde, forte en allerhande sulke dinge.


Hier het die een span so pas by hulle fort gearriveer, vlag gekry en paar gunne waarmee hulle gevangenes moes gaan bevry.

Die hele span na die tyd bymekaar.

Hierdie is eintlik maar halfhartige blog posting - nie rêrig lus om te skryf nie, maar ek wil ook nie weer agter raak met die opsit van foto's nie.

Sal maar later weer probeer om 'n beter poging aan te pak.

Oor Angus Buchan en golf

Ek wou eintlik vroeër al begin skryf het om paar foto's op die blog te sit - ek het egter verstrengel geraak in oplees oor Angus Buchan.

Dit was hierdie naweek die Mighty Men Conference op sy plaas - meer as 60 000 manne wat daar was. Ek probeer nou om soveel as moontlik te bekom oor wat alles die naweek daar gesê is, want ek verstaan die Here het kragtige werk weer daar verrig.

Angus Buchan het onder andere gepraat dat mens nie net met vyf minute se stiltetyd regtig vir God sal kan leer ken nie. Hoe waar is dit tog nie! Ons almal weet dit eintlik maar moet elke kort kort weer daaraan herinner word.

Dit was maar een van die temas waaroor Angus gesels het, daar is paar ander temas waaroor hy ook gepraat het en ek kan nie wag om notas daarvan te kry nie.

Ek en die kinders was gistermiddag by 'n golf les gewees in Sterrebeek. Ek het die kinders soontoe gevat want hulle wil miskien begin golf speel. Hulle slaan die balletjie al baie beter as wat hulle een jaar terug gedoen het - en nie asof hulle intussen eintlik enige golf gespeel het nie. Die plek waar ons 'n paar balle gaan slaan het is 'n Golf Academy hier in BE. Die plek se naam is Golflife Center - een van die beginsels van die Akademie is om jou die basiese beginsels van golf te leer en jou dan gedurig, soos jy vorder, altyd te herinner aan die basiese beginsels. Jong, ek moet sê, die beginsel maak nogal sin en het reeds vandag baie gehelp. Vandag se les was gratis en ek dink met die besigheid hou hulle ook maar by die "basics". Eerste les gratis, en nou weet hulle dat hulle die mense "gehook" gaan kry op golf, so dan sal die geld begin instroom! Daar was seker so stuk of twaalf mense vandag saam met ons daar en reeds het daar twee mense ingeskryf vir lidmaatskap. Hierdie manne weet van geld maak hoor!

Hier is paar foto's van die volgende Trevor / Retief / Anika of wie ookal. Die houding is nog nie heeltemal daar nie, maar dis net die eerste les gewees. O ja, die kinders is nie die volgende "wie ook al" nie - hulle is die enigste en beste Pieter en Marché. Vir die eerste keer het hulle rêrig nogal goed gedoen.





Altwee erg besig om te konsentreer..... Marché het 'n "grip" wat menig pro's haar sal beny!












Pieter besig om aandagtig te luister. Die man met die geel sweater se naam is Ricco. Hy is 'n Fin en bly nou so amper vyf jaar in BE. Praat darem Vlaams vlot en lyk asof hy en die kinders nog 'n paadjie gaan stap.






Die "grip" was goed, maar die "swing" van Marché kort nog bietjie werk.














Nou ja. toe ek hierdie kyk in Pieter se oë sien, toe weet ek, hy is nou hooked op golf! Dit was een van daai houe wat maak dat jy weer sal wil terug kom!












Sal kyk hoe dit gaan met die lesse en dalk sal hulle saam kan speel tydens die reunie op Nylstroom.

Kinders

Die kinders is terug van hulle Bosklasse af!

Ek het lanklaas in my lewe verlang soos hierdie week - miskien omdat ek maar net met die normale roetine dinge besig was by die kantoor - my gedagtes was gereeld by die kinders gewees. Dis nie soos as die rolle omgeruil is - ek is weg en die kinders is by die huis nie - dan kan ek die verlange nogal hanteer, maar hierdie week was nogal erg.

Die kinders kon nie uitgepraat raak oor die week nie - die gebrabbel was "non-stop" vandat ek hulle by die skool opgelaai het. Dit is regtig net eintlik 'n riem onder die hart om te weet hulle ervaar dinge wat hulle gelukkig maak - interessante dinge wat darem die verwysingsraamwerk verbreed. Ek dink hulle is die kinders hier in BE nou al ver voor. In die kort tyd wat hulle hier is het hulle al baie meer gesien en ervaar as wat die meeste van hulle portuurgroep hier ervaar het. Die Belge is maar snaakse mense - kom in 'n groef en dan sukkel hulle om daar uit te kom - eintlik maar dieselfde as ons.

Vat nou as voorbeeld - Naby Den Haag is daar die heerlikste strand - dis so ongeveer 190 km hier van die huis af - Brugge se see is weer so 140 km hiervandaan af - dis waar al die Belge gaan kuier as hulle see toe gaan. Nee wag, kom ek kwalifiseer myself, baie, nie al die Belge nie. En dan moet ek ook bysê - dis my observasie op hierdie stadium - soos wat ek mense beter leer ken is dit moontlik dat ek later tot ander insigte kan kom.

Nou wat wou ek eintlik sê? O ja, dat Brugge se see nie naastenby so feestelik is soos Den Haag se spot nie. Hoekom die mense nie net 50 km verder ry en na 'n lekkerder see toe gaan nie - dit gaan my verstand te bowe. Maar - dis waaraan hulle gewoond is - doen dit nou al vir jare so en so sal dit bly - dis eintlik wat ek wou sê - raak gewoond aan sekere maniere en dan bly daai dinge maar permanent.

Ek laat weet vanoggend vir Jacolette dat ek en die kinders so lekker gekuier het gisteraand - met my tandpyn en al - een moerske pyn wat my half blind maak in die linkeroog..... moes al lankal by die tandarts uitgekom het, maar is te skytbang vir een.

Hier het ek nou gepraat van skyt en ek het gou na Skype "geskip" om weer te chat - wraggies toe praat ons van skuit - soos in bote, kayakke en sulke dinge. Eerste keer in 'n lang tyd wat ek weer hoor iemand gebruik dieselfde bewoording as ek. Ek mis die goue tye van "Piet se Skuit"!

Terug by die kinders - ek wonder soms of ons nie te ongesond lief is vir mekaar nie, ek en die kinders. Kan daar iets wees soos ongesond lief, of te lief vir mekaar? Seker nie, maar dit maak my net bang partykeer om te weet ons is 'n hegte spannetjie, heg gebind deur baie dinge saam, pyn en avontuur. Ons drie is so afhanklik van mekaar, en dit kom net elke keer meer en meer duidelik na vore as iemand weg was vir paar dae.

Maar nou ja, ons filosofeer later. Die son is op en die voëltjies fluit - wou dit eintlik al lankal noem - dis een ding wat my opgeval het hierdie kant - ek het geen wekker nodig nie - klokslag begin mens die voëltjies reeds vroeg hoor fluit - as die voëltjies begin skarrel dan weet mens dis omtrent nog so halfuur voor dit lig word.

"Guess what" is op die spyskaart vir vandag? Aktiwiteite gewys, nie kos nie, man! Hokkie en nogmaals hokkie. Marché moet agtuur daar wees en Pieter so 11:00.

Agtermiddag gaan ons na Willie Oelofse toe - Jeandré verjaar vandag en die kinders het partytjie daar. Die kinders sien baie uit - dis 'n bos partytjie met kompasse, skuilings, klink vir my oorlog, en al sulke dinge. Dis deel van wat België so uniek maak - die bos is teen jou.... en nog belangriker..... die bos is benutbaar, sonder vrees.

Ons laat weet hoe dit was.

Die Milton's

Sout van die aarde mense. Dit was wonderlik om die Milton familie hier by ons te kon hê! Snaaks hoe mens partykeer sommer net dadelik "click" met mense. Mense uit dieselfde verwysingsraamwerk, mense met dieselfde agtergond (breë trekke). Ek het hulle begin mis die oomblik toe hulle in die kar klim om terug te ry na Parys.

Parys toe omdat Cliff daar werk - om nou behoorlik die familie uit te lê - Cliff is die jonge heer van die gesin - ongeveer drie meter lank en twee meter breed - 'n reus van 'n man. Nie rêrig twee meter breed nie, maar sy persoonlikheid maak op vir die breedte om by twee meter uit te kom - hy is nou van daai wat jy kan sê, hy vul 'n vertrek met sy teenwoordigheid! Nie om vir Pa Jimmy weg te gooi nie, boer van die Bosveld en self 'n groot man. (Lyk net klein langs Cliff) Magda is ma (self geseën met lengte) en liefderik moederlik besorg oor haar kroos. Die ander gedeelte van die kroos is Margha - Margha vir wie ek nog 'n present skuld. Die ander het almal elkeen 'n bier van België as geskenk gekry en ek wou nog België "chocolates" vir Margha koop maar kom toe agter dat 'n bier eintlik heel meer van pas sou wees. (Die bier is in die pos.... somewhere) O, ja - het ek dalk vergeet om te sê? Margha is ook nie die kortste van mense nie. So tussen alles het ek het nou die dag met 'n skok agter gekom dat ek ongeveer 3 cm in lengte gekrimp het. Die ouderdom tog! Ek dag heeltyd ek is relatief gemiddelde lengte en toe moes die kinders my herinner dat Chantel langer as ek is - dit het glad nie goed afgegaan nie. Hulle luister nou net vir my omdat ek 'n growwer stem het.

Mensig, maar ek kan tjol praat so laat in die aand (vroeg in die oggend). Gebruik maar die tyd om die blog op datum te bring want die kinders is nie by die huis nie. Hulle is besig met Bosklasse êrens in Westerloo, Chantel is in Suid Afrika en ek is "home alone". Ek gaan nie weer so 'n tyd kry om die blog op datum te bring nie. Nogal "lonely" hier by die huis en ek mis die kinders erg - eintlik jok ek - veel erger! (O ja, ter verduideliking, Bosklasse is amper dieselfde as ons ou Veldskool in SA)

Terug by die Milton's......... Cliff werk nie eintlik in Parys nie, dis sy speel plek......... vir die wat hulle rugby ken....... hy is daai lang man wat nou vir Stade de France rugby speel, het in die Blou Bulle se goeie tye daar diens gedoen..... klink lank gelede as mens praat van die Bulle se goeie tye.... in vergelyking met waar hulle nou staan. (As ek my nie self vergis nie was die goeie tye laas jaar) Ai, vat so katvis, was nog nooit 'n Blou Bul "fan" nie. Die Stormers is darem heel punt in die wind deesdae, dit gaan goed in die Kaap! Gelukkig is Cliff in Parys - so 400 km hiervandaan en nie eers sy 2,3 meter lyf sal my hier kan klap nie! Ek moet sê, nogal lugtig daarvoor.

Ewentwel, die kuier hier was baie lekker. Ek, Cliff, Margha en Chantel het een aand besluit om Brussels se gate te besoek. Net by een gat vas gehaak though, Delirium........ Dis nou die plek wat naam gemaak het omdat hulle 2000 verskillende biere verkoop, Guiness Book of Records en elke ding. Ons het 'n hele paar soorte bier die aand kaf gedraf en ek dink daar is nog net so drie wat ons nog nie geproe het nie. Hier is 'n foto waar ek liefdevol vir die kroegman vra om bier nommer 1 973 te skink. Ons het daarna nog so 24 stuks daarna probeer, maar snaaks genoeg, almal het dieselfde gessjjmaak!

"Say no more" - eerder dat die skandes uit my eie mond kom as wat mense dit op vreemde plekke hoor of lees! Cliff is in die agtergond en is self "impress" met die "order" wat ek insit by die kroegman!

Aag jong, dit was groot tye, broodnodige tye. Vriende was "great", atmosfeer was "great", " all in all" 'n wenner aand!

Chantel is nie hier by die huis om sensuur toe te pas nie - so - hier is paar foto's van daai aand, dit was heel goed:

http://picasaweb.google.co.uk/3besters/DeliriumMiltons08?authkey=lR0Hi_64SAE

"Enjoy it while it last"! Dalk verinneweer Chantel die hele album as sy terug is.

Dit was darem nie al wat ons gedoen het nie. Hier is paar foto's saam die hele span in Brussels......... by Mannekin Pis en wafels en room op die Grote Mark.

Alle geval - hier is klomp foto's van toe die Milton's hier gekuier het:

http://picasaweb.google.co.uk/3besters/BelgiMiltons08?authkey=yb6DMkbVVrg

Die Span uit die Woestyn

Terwyl ek nou besig is om te "update" - druk ek dit maar in die rooi en probeer soveel as moontlik opgesit kry.

Die dag breek al grou oor die oosterkim............... of so iets....... eintlik maar net sê, oor 'n uur of wat begin die geskarrel alweer en dan moet ek vir Marché by Chi-Chi's hê want sy is op pad hokkie toe. Speel by 'n plek met die naam van Egnberg, of so iets. Ek moet vir Pieter self later vanoggend Leuven toe vat, want hy speel daar hokkie. Marché was juis gisteraand heel hartseer dat ek nie saam met haar kan gaan vandag nie, nogal moeilik om jouself in twee te split. Pieter het 'n maatjie wat hier geslaap het gisteraand - sy naam is Daniël - ek dink met 'n deelteken - alle geval - die Engelse Daniel - gelukkig is die mannetjie nie rêrig Engels nie - hy is Portugees, want sou hy Engels gewees het sou Pieter nie toegelaat het dat Daniel hier bly nie - die man (Pieter) het mos geen sin in die Engelse nie - die konsentrasiekamp stories was vir hom net een te veel - en die feit dat hulle met die Voortrekker aktiwiteite nog die graffies moes gaan skoonmaak - dit was maar eintlik net die brandyster wat dit vasgebrand het in die geheue - ons mis nogal die Voortrekkers met al die aktiwiteite, die vriende, die samesyn dit was darem heng lekker.

Hier is paar foto's van ons tyd by die Voortrekkers - een of twee foto's ter herinnering aan Oom Hardus en Tannie Trienie se plaas op All Days - goue tye..............

O ja, voor ek vergeet, gepraat van Chi-Chi's, dis nou die local Spur en is Overijse se weergawe van 'n Steakhouse - heel aangename plek en ons het darem al een keer daar gaan eet. Daar is egter genoeg ander plekkies om by te kuier en te eet en mens kom nie regtig by 'n Steakhouse uit nie - dis nie hoog op die prioriteitslys hier nie. Alle geval hier is 'n foto wat ek nou net geneem het toe ek vir Marché gaan aflaai het.

Ek praat nou die aand met Héleen Robbertze (Van der Merwe) oor Google Earth en toe dog ek ek wil graag kyk of ek Google Earth kan intrek op die blog........ wel hier is 'n "spot" waar ons nogal lekker kuier. Overijse se Begintjesbad. Dis 'n binnenshuise swembad met 'n wildwaterbaan (BE se naam vir Supertube)

Heng, great stuff!!! Ek het nie gedink ek sou dit reg kry nie - if your good, your good! Mense, van nou af - weet net, julle gaan toegegooi word onder Google Earth foto's. Plaas van dat ek ginnegaap om te verduidelik waar dit is - "read and look for yourself"! Die wildwaterbaan is die ligblou gedeelte in die middel van die foto - alles binne so 'n tipe glas huis - die lang dak net regs van die ligblou - dis omtrent die restaurantjie en die groot dak regs is 'n olimpiese standaard swembad - die Belge is nogal heel swem bedinges ook - baie lekker.

Die kinders het 'n staande afspraak om elke Vrydagaand daar te gaan swem tussen 19:00 en 21:00. Daar is 'n klein restaurantjie daar en as ek nou nie lus het om tikkertjie saam die kinders op die wildwaterbaan te speel nie........ nou ja....... dan nuttig ek 'n glasie wyn of biertjie in die restaurant. Let wel..... ek nuttig 'n glasie wyn....... ek gaan nie wyn suip soos ander mense my toedig nie. (So bietjie binnepret in 'n rigting - ek weet dit sal tref)

Man, ek voel nou "tjaffed" met myself oor die Google Earth ding - voor ek verder gaan, sommer so 'n vinnige een uit die heup uit - hier is ons huis in Overijse.

Nou ja, weer terug by die blog - wat op aarde het al hierdie gebrabbel en dinge te doen met die opskrif hierbo - "Die Span uit die Woestyn"? Absoluut niks - dis nou maar weer net ek wat van een ding na die ander spring en glad nie by 'n punt kan begin nie.

Die Span uit die Woestyn - dis nou die Van Vuurens. Marlene en haar jongspan tweeling, Renier en Annika het hier kom vakansie hou vir 'n klomp dae en dit was een heel besige tyd wat ons gehad het om die meeste van die "been there - done that - dinge" te doen.

Die span het hulleself reguit uit die woestyn binne 'n klomp sneeu vasgeloop. Lentedag hier in BE is amptelik die 21ste Maart, maar toe kry ons wraggies sneeu op 25 en 26 Maart. Hier is paar foto's van die sneeu.

Marlene het so 'n fancy kamera waarmee sy al wat 'n sneeuvlokkie is wou afneem, maar die beligting moes elke keer gestel word want sy het nou net 'n fotografie kursus gedoen, mense wat fotografie kursusse deurloop het, mag nie foto's op "idiot mode" neem nie - jy moet die beligting stel. Mensig, was die kinders darem ontstig daaroor - tot my twee het nou al kamera sku geraak - Marlene het vir hulle 'n kamera knou gegee wat hulle nie maklik sal vergeet nie.

Vir enige een wat die blog gevolg het tot nou - dit het nie rêrig so lank gevat om vir Marché by die hokkie af te laai nie - het ge - "side tracked" geraak met ander dinge, en kom nou eers weer by die blog uit!

Ewenwel - hier is nog paar foto's van die sneeu.

En die Oerthe rivier wat in vloed was as gevolg van die sneeu.

Met dit alles as intree rede - (ja nee, verwag maar 'n lang "posting") - hier is alles wat ons saam met die Van Vuuren's aangevang het..... Min of meer in volgorde van gebeure - ek kan nie meer onthou presies wanneer het wat gebeur nie, ons was bietjie besig en het baie dinge gedoen in 'n baie kort tydjie. Soos Johan sê, "we tried to drink water from a fire hydrant" - daar was net te veel, te vinnig om alles behoorlik te kon doen.

Nietemin, alles was goed.

Jong, nou dat ek daaraan dink, bogger in elk geval die chronologiese volgorde. Hier is wat ons alles gedoen het - "mentioned randomly".

Ons was een dag Monchau en Durbuy toe gewees. Die geskiedenis agter die storie is as volg:

Monchau word geag die kleinste dorpie in Duitsland te wees, en .... veg om aanspraak te maak om die kleinste dorpie in Europa te wees. Durbuys weer, word geag die kleinste dorpie in België te wees, en.... maak aanspraak om die kleinste dorpie in Europa te wees. Wie die uiteindelike wenner is, sal niemand weet nie. (Ek dink in elk geval nie een van hulle is die kleinste nie - dis maar net 'n toeriste "gimmick") Alle geval - albei plekke is baie mooi en as ek self moet sê - ek verkies Durbuys - hoekom? - want een van die dae gaan ons daar kano ry op die Oerthe rivier. Daar gaan paar klassieke foto's uitkom - so - hou die spasie dop.... Ons gaan piekniek binne die rivier hou!

Hier is die "link" vir die album:

http://picasaweb.google.co.uk/3besters/MonchauDurbuysMrt0802?authkey=rUSq9Te36Eg

Ons was ook by Brugge en Gent gewees. Beide dorpe baie mooi en daar is klompe geskiedenis agter elke dorp. Almal wat ooit in België was raai almal aan om ten minste Brugge te gaan besoek - blykbaar die "Klein Venesië" van Europa. Helaas, ek vind Gent meer mooi en en daar is baie meer interessante dinge daar - met dit gesê - smaak sal altyd verskil. Die plek kan wat my betref, ook maar deurgaan as "Klein Venesië" aangesien daar ook baie kanale is - die twee stede (regstelling van netnou se dorpe) is immers maar 40 km uitmekaar en daar is tot 'n kanaal wat die twee stede verbind.

Hier is die "link" vir Gent:

http://picasaweb.google.co.uk/3besters/GentMrt08?authkey=0IYV5bHTrAg

En ook vir Brugge:

http://picasaweb.google.co.uk/3besters/BruggeMrt08?authkey=pqMwu2N2i9c

Eie aan België was ons ook natuurlik in Brussels - die "been there, done that" foto's is geneem (Mannekin Pis en wafels en room). So ook die "Strip Museum". Dis nou nie Teazers se strip nie - "Strips" is "comics" in België - Tin Tin, of te wel Kuifie het sy oorsprong in België.

Hier is die "links" daarvoor:

http://picasaweb.google.co.uk/3besters/StripMuseumMrt08?authkey=05fHHzM1j5I

Ook weer by Waterloo gewees waar ons weer herinner is hoe Napoleon sy alie gesien het. Die bult op die foto's het amper drie honderd trappe - ek het dit die afgelope ruk 'n rekord van vyf keer in drie weke uitgeklim.

Wat natuurlik erg lekker was, was om die tweeling (Annika en Renier) op hul verjaarsdag te kon vat na Nederland waar hulle kon ski. Ek noem Annika eerste want sy is blykbaar 15 minute vroeër gebore as Renier... weet nou nog nie hoe waar dit is nie, persoonlik dink ek dis maar 'n samesweerdery van vroue teen die mans.

Ons het gelukkig 'n GPS in die kar gehad en kon darem reguit na die ski-plek toe ry.... in Nederland. "However"........... ek lees party mense sê ons het verdwaal (Chantel se blog) - dit was natuurlik glad nie die geval nie - ons het net vir so 'n vinnige "sightseeing trip" deur Duitsland gegaan voordat ons gaan ski het.... in Nederland - ek meen nou maar - moet darem vir die Woestynmense soveel as moontlik van Europa wys! Die ski was baie pret en die foto's eintlik rêrig min. Dit gaan hopeloos te vinnig en daar is hopeloos te veel valle om heeltyd kamera in die hand te kan staan. Selwers het besluit om te probeer "snowboard" en het verskeie keer harpuis geruik - ek het eers na ongeveer drie ure kon sê ek kon 'n "slope" "snowboard" sonder dat ek hard geval het. Let wel - nie glad nie geval het nie - net nie hard geval het nie! Pieter en Marché verbaas my meer en meer by die dag, hulle het soos ou bedrywige skiërs geski.

Vinnig twee foto's van hulle:

(Duidelik was ek in Pieter se pad gewees vir hierdie foto!)




O ja, ek was ook daar tussenin gewees - die mees respektabele foto van my wat seker geplaas kan word - hier was ek ten minste nog op my voete gewees!

Die "link" vir al die Snow World" foto's:

http://picasaweb.google.co.uk/3besters/SnowWorldMrt08?authkey=E12pvc0lPDw

Verder was ons nog by Keukenhof ook gewees - dis die blommeplek in Nederland. Die blomme was nou nie van die beste nie, maar dit bly 'n belewenis. Ook sommer daar en dan gesien dat Nederland vir ons veel meer bied as net Keukenhof. Den Haag is nie te ver van ons af nie en is 'n baie lekker "see" om te gaan kuier- Ons sal definitief nou in die somer daar gaan swem - "watch this space".

Hier is die "link" vir Keukenhof en Den Haag.

http://picasaweb.google.co.uk/3besters/Keukenhof08?authkey=zNRy7SkIx8A

Maggies, amper vergeet ek, ons was nog op 'n stadium in Amsterdam ook. Hier is die foto's daarvan. Ek en die kinders was by die was museum (Madam Tussuad), die Rijksmuseum, Van Gogh Museum, ons het bootjies gery, aandete geëet..... waar Chantel en Marlene al die plekke was, dit sal ek nou glad nie weet nie! "Link":

http://picasaweb.google.co.uk/3besters/AmsterdamMrt0802?authkey=xlpUncpLpIo

Klomp algemen foto's ook in die volgende "links":

http://picasaweb.google.co.uk/3besters/Paasfees08?authkey=tbmv6UVJMcw

Dit was regtig 'n baie lekker tyd en ons het almal ons self gate uit geniet.

Om terug te kom na Marlene se fotografie - goue tye vasgevang op 'n spesiale manier. Dit was goed.

Ai, die aand raak lank, amper vergeet ek die foto's van Mini-Europe. Dis nou waar jy vele plekke van Europa kan sien sonder om regtig soontoe te gaan. Hier is paar foto's van die plek:

http://picasaweb.google.co.uk/3besters/MiniEuropeMrt0802?authkey=W646vrgDdi8

"Somewhere" het ek die foto's van Waterloo en Brussels se Mannekin Pis en wafels en room gemis. Dit sal weldra met tyd uit kom. Byskrifte by al die foto's sal ook nog bygesit word ter verduideliking.

Nou moet ek nog net die Miltons se besoek op die blog kry en dan is alles min of meer op datum.......... tot volgende week as die Van Dyks hier aanland........ dan begin ons maar weer van voor af! Ek sien regtig uit na die span se besoek en kan nie wag dat hulle moet kom kuier nie. Die plan is om bietjie weg te breek van die wafels en room af en bietjie 'n kaasbord te gaan probeer by Delirium - daar is hoeka nog 'n paar biere wat wag om geproe te word!